Bugun O‘zbekiston davlat xoreografiya akademiyasi Urganch filialida “Yoshlar forumi” doirasida “Rahbar va yoshlar” uchrashuvi o’tkazildi.Uchrashuvni filial direktori Shonazar Botirov kirish so’zi bilan ochib berdi va dars mashg‘ulotlariga puxta tayyorgarlik ko‘rish, yaratilgan imkoniyatlardan unumli foydalanib, chuqur bilim olish, bo’sh vaqtlarini unumli va samarali o'tkazish, filialda 2024-yilda bo‘lib o‘tadigan “ENG YAXSHI BALETMEYSTER” ko‘rik tanloviga tayyorgarlik ko’rishlari borasidagi takliflarini bildirib o’tdi. Shuningdek, talabalar turar joylari va ijara xonadonlarida yashovchi talabalarni qishning sovuq kunlarida gaz va elektr uskunalaridan ehtiyotkorlik bilan foydalanishga chaqirdi. Ochiq va samimiy ruhda o’tkazilgan uchrashuvda talabalar o‘zlarini qiziqtirgan savollari bilan murojaat qilishdi.  Uchrashuvda bir qator muammolar va takliflar bildirilib, murojaatlarni ijobiy hal etish yuzasidan mas'ullarga aniq topshiriq va ko‘rsatmalar berildi.