Mustaqilligimizning 35 yilligi munosabati bilan samimiy tabrik va taqdirlash marosimi

Bosh sahifa > YANGILIKLAR / TADBIRLAR

2026-yil 27-avgust kuni O‘zbekiston davlat xoreografiya akademiyasi Urganch filiali direktori M.B.Kuchkarov filial professor-o‘qituvchilari hamda xodimlari bilan uchrashuv o‘tkazdi.

Uchrashuv davomida filial direktori jamoa a’zolarini mamlakatimiz mustaqilligining 35 yilligi bilan samimiy muborakbod etib, yurtimiz taraqqiyoti, xalqimiz farovonligi hamda ijtimoiy-madaniy hayotimizni yanada yuksaltirish yo‘lida olib borayotgan samarali faoliyatlari, fidokorona mehnatlari va tashabbuskorliklari uchun minnatdorlik bildirdi.

Shuningdek, bir guruh filial xodimlari Mustaqilligimizning 35 yilligi munosabati bilan mamlakatimiz taraqqiyotiga, xalqimiz farovonligiga hamda yurtimizning ijtimoiy-madaniy hayotini rivojlantirishga qo‘shayotgan munosib hissasi, samarali faoliyati, fidokorona mehnati va tashabbuskorligi uchun Tashakkurnoma bilan taqdirlandilar.

Yig‘ilish davomida O‘zbekiston davlat xoreografiya akademiyasi Urganch filiali direktorining birinchi o‘rinbosari Munavvara Amanbayeva, Ishlar boshqarmasi boshlig‘i Anvar Abdullayev, Registrator ofisi menejeri Marimboy Otamuratov, filial Yoshlar yetakchisi Muyassar Ollaberganova hamda filial talabasi Dilrabo Aminova O‘zbekiston Respublikasi Mustaqilligining 35 yilligi munosabati bilan ta’sis etilgan “O‘zbekiston Respublikasi Mustaqilligining 35 yilligi” esdalik nishoni bilan taqdirlangani alohida e’tirof etildi.

⚡️Tadbir samimiy va ko‘tarinki ruhda o‘tdi. Unda mamlakatimiz mustaqilligining qadr-qimmati, yurtimizda amalga oshirilayotgan keng ko‘lamli islohotlar hamda yosh avlodni har tomonlama qo‘llab-quvvatlash borasidagi ezgu tashabbuslarning ahamiyati ta’kidlandi.

💐Mustaqilligimizning 35 yilligi barchamizga muborak bo‘lsin! Yurtimiz tinchligi, xalqimiz farovonligi va mamlakatimiz taraqqiyoti yo‘lidagi ezgu ishlarimiz bardavom bo‘lsin!