2023-yil 24–25-oktabr kunlari Oliy ta’lim, fan va innovatsiyalar vazirligi, Germaniya xalqaro hamkorlik agentligi bilan birga “Professional ta’limini barqaror rivojlantirishning mintaqaviy jihatlari: muammolar va istiqbollar” mavzusida II Mintaqaviy ilmiy-amaliy konferensiya bo‘lib o‘tadi.
Konferensiyada Tojikiston, Qozog‘iston, Qirg‘iziston va O‘zbekiston Respublikalaridan 200 nafardan ortiq ta’lim tizimi va ishbilarmon doiralari vakillari, professional ta’lim tizimi bo‘yicha Germaniya hamda Avstriyaning xalqaro ekspertlari, shuningdek, respublikamizdagi professional ta’lim muassasalaridan rahbar va pedagog kadrlar ishtirok etadi.
2023-yil 24-oktabr kuni soat 10:00dan boshlab anjuman ochilish marosimi va yalpi majlis qismi vazirlikning YouTube videohostingi (https://www.youtube.com/watch?v=3V2ZeDmFNHU) orqali onlayn tarzda translyatsiya qilinadi.
Tadbirda xorijiy va mahalliy ekspertlarning quyidagi mavzularda taqdimoti o‘tkaziladi: - “Professional ta’lim sohasidagi xalqaro va milliy tendensiyalar”; - “Professional ta’lim muassasalarining biznes hamjamiyatlari bilan hamkorligi;” - “Professional ta’limni raqamlashtirish”; - “Professional ta’limda sifatni ta’minlash va kadrlar malakasini oshirish”; - “Ta’limni moliyalashtirish”.
