Bugun, 20 iyun kuni 2022/2023 o‘quv yili uchun oliy ta’lim muassasalarining bakalavriat ta’lim yo‘nalishlariga abiturientlarni onlayn ro‘yxatga olish boshlandi.
Bunda abiturientlar telefon raqamini avtorizatsiyadan o‘tkazib, pasport, doimiy yashash manzili va tugatgan ta’lim muassasasi bo‘yicha ma’lumotlarni kiritishlari, shuningdek, imtiyozlari mavjud bo‘lsa, ularni tekshirishlari hamda chet tilidan milliy yoki xalqaro sertifikatini ham yuklashlari mumkin.
️Ta’lim yo‘nalishlarini esa 2022-2023 o‘quv yili uchun qabul parametrlarining ta’lim tillari bo‘yicha taqsimoti tasdiqlanganidan so‘ng tanlash mumkin bo‘ladi.
Ro‘yxatga olish:
➡️Davlat test markazining my.dtm.uz sayti;
➡️Yagona interaktiv davlat xizmatlari portali (my.gov.uz) orqali amalga oshiriladi.
Ro‘yxatga olish 20 iyulga qadar (shu kuni ham) davom etadi.
Chet tilidan kasbiy (ijodiy) imtihon o‘tkaziladigan bakalavriat ta’lim yo‘nalishlariga ro‘yxatga olish esa 10 iyulga qadar (shu kuni ham) bo‘lib o‘tadi.
