Bugun, 2026-yil 7-mart kuni O‘zbekiston davlat xoreografiya akademiyasi Urganch filialida 8-mart — Xalqaro xotin-qizlar kuni munosabati bilan “Ayolga ehtirom” nomli bayram tadbiri bo‘lib o‘tdi.
Tadbir avvalida filial direktori Maxsudjon Kuchkarov jamoaning barcha ayol va qizlarini ushbu qutlug‘ sana bilan samimiy muborakbod etib, ularga sihat-salomatlik, baxt va ishlarida ulkan muvaffaqiyatlar tiladi.
💐 Bayram tadbiri doirasida ayollarga hurmat va ehtirom ramzi sifatida filialning erkak xodimlari tomonidan konsert dasturi namoyish etildi.
Shuningdek, xotin-qizlar ishtirokida turli qiziqarli o‘yinlar va tanlovlar tashkil etilib, tadbir yanada ko‘tarinki kayfiyatda o‘tdi.
Tadbir yakunida barcha xotin-qizlarga bayram sovg‘alari ulashildi.
