Bugun 18-fevral kuni O‘zbekiston davlat xoreografiya akademiyasi Urganch filialida “Jaholatga qarshi ma’rifat” hamda “Inson qadri va huquqlarining ustuvorligi – taraqqiyot poydevori” mavzularida ma’naviy-ma’rifiy uchrashuv tashkil etildi.
Tadbirda Korrupsiyaga qarshi kurashish “Komplaens-nazorat” tizimini boshqarish bo‘limi bosh mutaxassisi M.Nurullayev, Yoshlar bilan ishlash, ma’naviyat va ma’rifat bo‘limi boshlig‘i N.Ummataliyev, yoshlar yetakchisi M.Ollaberganova hamda O‘zbekiston Respublikasi Din ishlari bo‘yicha qo‘mitasining Urganch tumani bo‘yicha bosh mutaxassisi A.Palvanov o‘z nutqlari bilan ishtirok etdilar.
Uchrashuv davomida jaholat va turli yot g‘oyalarga qarshi ma’rifat bilan kurashish, yoshlar ongida milliy va umuminsoniy qadriyatlarni mustahkamlash, inson huquq va erkinliklarini hurmat qilish masalalari atroflicha muhokama qilindi.
Shuningdek, inson qadri va huquqlarining ustuvorligi jamiyat taraqqiyotining muhim omili ekani alohida ta’kidlandi.