Bugun, 12-fevral kuni O‘zbekiston davlat xoreografiya akademiyasi Urganch filialida “Biz hayotni tanlaymiz” shiori ostida uchrashuv tashkil etildi.
“Fevral — giyohvandlikka qarshi kurashish oyligi” doirasida filial Boshlang‘ich tashkiloti tashabbusi bilan o‘tkazilgan mazkur uchrashuvda xoreografiya fakulteti dekani M.Amanbayeva, Korrupsiyaga qarshi kurashish “Komplaens-nazorat” tizimini boshqarish bo‘limi bosh mutaxassisi M.Nurullayev, yoshlar yetakchisi M.Ollaberganova hamda Urganch shahridagi 3-sonli oilaviy poliklinika shifokorlari Z.Sultanova, Z.Yuldasheva va ichki ishlar xodimi Sh.Rahimov ishtirok etdilar.
Uchrashuv davomida talabalarga sog‘lom turmush tarzini shakllantirish, giyohvandlikning salbiy oqibatlari, yoshlar o‘rtasida huquqbuzarliklarning oldini olish hamda hayotda to‘g‘ri tanlov qilishning ahamiyati haqida atroflicha ma’lumotlar berildi.
➡️Mazkur tadbir yoshlarni sog‘lom fikrlashga undash, zararli illatlardan yiroq bo‘lish hamda kelajakka mas’uliyat bilan qarash ruhida o‘tkazildi.