Oʻzbekiston davlat xoreografiya akademiyasi Urganch filialida “Qizlarjon” klubi doirasida talaba-qizlar oʻrtasida “Ilmda mening orzularim” mavzusida rasmlar tanlovi tashkil etildi.
Mazkur tanlov talaba-qizlarning ilm-fan sohasiga boʻlgan qiziqishini yanada oshirish, ularning ijodkorlik salohiyatini yuzaga chiqarish, shuningdek, kelajakdagi orzu-intilish va maqsadlarini qoʻllab-quvvatlashga qaratildi
Tanlov jarayonida ishtirokchilar oʻz tasavvur va orzularini sanʼat orqali ifodalab, ilm yoʻlidagi intilishlarini ranglar vositasida namoyon etdilar.
Bunday tashabbuslar yoshlarning bilimga boʻlgan ishtiyoqini kuchaytirish, ularni mustaqil fikrlashga undash hamda ijtimoiy faolligini oshirishda muhim ahamiyat kasb etadi.
