Joriy yilning 27-yanvar sanasida O‘zbekiston davlat xoreografiya akademiyasi Urganch filialida Oʼzbekistonda xizmat koʼrsatgan artist, mohir raqqosa Roviya Otajonovaning hayoti va ijodiga bagʼishlangan maʼnaviy-maʼrifiy tadbir boʼlib oʼtdi.
Tadbir "Lazgi" boʼlimi tashabbusi bilan tashkil etildi va uni boʼlim boshligʼi Z.Yaqubova olib bordi. Mazkur tadbirga raqqosaning qizi — G.Otaniyozova mehmon sifatida taklif etildi.
Tadbir davomida R.Otajonovaning betakror ijodidan videolavhalar namoyish etildi. Ijodkor K.Oʼrozmetova ulugʼ sanʼatkor ustozlarning ijodiy faoliyati haqida fikr-mulohazalar bildirdi.
Shuningdek, mehmonlar "Lazgi" muzeyini tomosha qildilar. Tashrif chogʼida muzey fondiga R.Otajonovaning ijodiga bagʼishlangan kitob va disk taqdim etildi. Ushbu noyob manbalar "Lazgi" muzeyining "Oltin fondi"da saqlanadi. 
