Bugun Oʻzbekiston davlat xoreografiya akademiyasi Urganch filiali direktori Maxsudjon Kuchkarov tomonidan filial jamoasi — professor-oʻqituvchilar va xodimlar Yangi yil bayrami munosabati bilan samimiy tabriklandi.
Tadbir davomida direktor barchani kirib kelayotgan Yangi yil bilan qutlar ekan, fidokorona mehnatlari, taʼlim-tarbiya jarayoniga qoʻshayotgan munosib hissalari uchun chuqur minnatdorlik bildirdi. 
Shuningdek, jamoaga mustahkam sogʻlik, oilaviy baxt, ijodiy yutuqlar va kelgusi yilda yanada ulkan marralarni zabt etish tilaklarini izhor etdi.
Bayramona kayfiyatda oʻtgan uchrashuv yakunida xodimlarga esdalik sovgʻalari topshirildi.
✨ Yangi yil barchamizga fayz-baraka, tinchlik va yangi muvaffaqiyatlar olib kelsin!
