Bugun, 17-dekabr kuni O‘zbekiston davlat xoreografiya akademiyasi Urganch filialida talaba-yoshlar ishtirokida profilaktik uchrashuv tashkil etildi.
Uchrashuvda Xorazm viloyati OITSga qarshi kurash markazi shifokori Sharofat Kuchkarova hamda epidemiolog yordamchisi Muxabbat Sayipova ishtirok etib, talabalarga OITS va yuqumli kasalliklarning oldini olish, sog‘lom turmush tarziga rioya qilish hamda tibbiy profilaktikaning ahamiyati haqida batafsil ma’lumotlar berishdi.
Shuningdek, tadbirda filial Xotin-qizlar kengashi raisi Barno Sapayeva hamda dekan o‘rinbosari Muyassar Ollaberganova ishtirok etib, yoshlar salomatligini asrash, ularni zararli odatlardan himoya qilish borasida o‘z fikr-mulohazalarini bildirishdi.
Uchrashuv talaba-yoshlarning tibbiy bilimlarini oshirish, sog‘lom hayot tarzini shakllantirishga xizmat qildi.
