Kuni kecha, 16-dekabr kuni O‘zbekiston davlat xoreografiya akademiyasi Urganch filialida “Kelajak soati” doirasida navbatdagi “Ma’rifat darslari” bo‘lib o‘tdi.
Mazkur ma’rifiy dars “Jadid bobolarimiz” mavzusiga bag‘ishlanib, unda jadidchilik harakatining vujudga kelishi, uning milliy o‘zlikni anglash, ta’lim-tarbiya va ma’rifat rivojidagi o‘rni haqida batafsil ma’lumotlar berildi.
Darsni dekan o‘rinbosari, yoshlar yetakchisi Muyassar Ollaberganova olib bordi. U o‘z chiqishida jadid bobolarimizning jasorati, ma’rifatparvarlik g‘oyalari va ularning bugungi yoshlar tarbiyasidagi ahamiyatiga alohida to‘xtaldi.
Tadbir talabalarda tarixiy xotira, milliy g‘urur va ma’naviy qadriyatlarga bo‘lgan hurmatni yanada mustahkamlashga xizmat qildi.
