O‘zbekiston davlat xoreografiya akademiyasi Urganch filialida O‘zbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish bo‘yicha kompleks chora-tadbirlar to‘g‘risida”gi PF–207-sonli Farmonida belgilangan vazifalar ijrosi doirasida uchrashuv tashkil etildi.
Talaba-yoshlar o‘rtasida giyohvandlik va narkojinoyatlarning oldini olish, sog‘lom turmush tarzini targ‘ib etishga qaratilgan mazkur tadbir “Mahalla — oilaviy poliklinika — ta’lim” mavzusida o‘tkazildi.
Uchrashuv filial dekan o‘rinbosari, yoshlar yetakchisi Muyassar Ollaberganova tomonidan tashkil etildi.
Tadbirda Urganch shahar “Temiryo‘lchi” mahallasi xotin-qizlar faoli Shoira Bobojonova, Urganch shahar 3-sonli oilaviy poliklinikasi oila shifokori Zarnigor Yuldasheva, filial ilmiy ishlar va innovatsiyalar bo‘yicha direktor o‘rinbosari Bobur Shaxanov hamda Korrupsiyaga qarshi kurashish komplayens-nazorat tizimini boshqarish bo‘limi bosh mutaxassisi Muhammad Nurullayevlar so‘zga chiqishdi.
Uchrashuv davomida giyohvandlikning zararli oqibatlari, yoshlar salomatligini asrash, huquqbuzarliklarning oldini olish, shuningdek, mahalla, tibbiyot va ta’lim muassasalari hamkorligining ahamiyati haqida atroflicha tushunchalar berildi. Tadbir talaba-yoshlar uchun muhim va foydali ma’lumotlarga boy tarzda o‘tdi.