Bugun, 10-dekabr sanasida O‘zbekiston davlat xoreografiya akademiyasi Urganch filialida O‘zbekiston Respublikasi Davlat madhiyasi qabul qilinganligining 33 yilligi munosabati bilan ma’naviy-ma’rifiy davra suhbati tashkil qilindi.
Tadbirni ilmiy ishlar va innovatsiyalar bo‘yicha direktor o‘rinbosari Bobur Shaxanov, shuningdek, dekan o‘rinbosari va filial yoshlar yetakchisi Muyassar Ollaberganova olib bordilar.
Davra suhbatida Davlat madhiyasining yaratilish tarixi, uning badiiy va ma’naviy ahamiyati, yoshlar ongida vatanparvarlik ruhini mustahkamlashdagi o‘rni haqida fikr-mulohazalar bildirildi.
Tadbir davomida talabalar madhiyaga hurmat bilan munosabatda bo‘lish, uni chuqur anglab kuylashning muhim jihatlari xususida ham batafsil ma’lumotlarga ega bo‘ldilar.
Uchrashuv talabalar uchun mazmunli va ruhlantiruvchi tarzda o‘tdi.
