Bugun, 5-dekabr sanasida O‘zbekiston davlat xoreografiya akademiyasi Urganch filialida “Korrupsiyaga qarshi kurashish oyligi” doirasida “Ochiq eshiklar kuni” tadbiri oldidan filial Axborot–resurs markazi tomonidan kitob ko‘rgazmasi tashkil etildi.
Ko‘rgazmada korrupsiyaga qarshi kurashish, huquqiy madaniyatni oshirish, halollik tamoyillarini mustahkamlashga bag‘ishlangan turli adabiyotlar, qo‘llanmalar va ilmiy-nazariy manbalar namoyish etildi.
Ushbu ko‘rgazma tadbir ishtirokchilarida korrupsiyaga qarshi kurashish bo‘yicha bilim va tushunchalarni yanada boyitish, yoshlarni halollik va adolat ruhida tarbiyalashga xizmat qildi.
Tadbir davomida talabalar hamda mehmonlar taqdim etilgan adabiyotlar bilan yaqindan tanishdilar.
