Bugun, 5-dekabr sanasida O‘zbekiston davlat xoreografiya akademiyasi Urganch filialida “Korrupsiyaga qarshi kurashish oyligi” doirasida “Ochiq eshiklar kuni” tadbiri bo‘lib o‘tdi. Tadbirni filial direktori M.Kuchkarov ochib berib, mazkur oylik doirasida korrupsiyaga qarshi kurashish bo‘yicha olib borilayotgan ishlarning ahamiyatiga to‘xtalib o‘tdi.
Tadbirda Xorazm viloyati sudi sudyasi X.Boltayev, viloyat sudi sudyasi katta yordamchisi M.Qalandarova, Prokuratura huzuridagi Departament xodimi T.Shamakov, shuningdek, Davlat xavfsizlik xizmati xodimi X.Qalandarov ishtirok etishdi.
Mutaxassislar tomonidan korrupsiyaning oldini olish, uning jamiyat taraqqiyoti va davlat boshqaruviga yetkazishi mumkin bo‘lgan salbiy oqibatlar, shuningdek, yoshlar o‘rtasida huquqiy ong va madaniyatni yuksaltirish masalalarida batafsil huquqiy tushuntirishlar berildi.
Tadbir davomida talabalar o‘zlarini qiziqtirgan savollariga javob oldilar va korrupsiyaga qarshi kurashishda faol fuqarolik pozitsiyasiga ega bo‘lish muhimligi ta’kidlandi.