Bugun, 3-dekabr sanasida O‘zbekiston davlat xoreografiya akademiyasi Urganch filialida “Zo‘ravonliksiz jamiyat – farovon davlat ko‘zgusi: Raqamli zo‘ravonlikka qarshi birgalikda kurashaylik” mavzusida davra suhbati tashkil qilindi.
Tadbirda filial xotin-qizlar maslahat kengashi raisi B.Sapayeva, dekan o‘rinbosari, yoshlar yetakchisi M.Ollaberganova, shuningdek, Urganch shahar IIB HPG XQMB inspektori katta leytenant Sh.O.O‘ktamova ishtirok etishdi.
Ular talabalarga turli ko‘rinishdagi zo‘ravonlik, xususan, raqamli zo‘ravonlikning xavfli oqibatlari, uni oldini olish choralarini atroflicha tushuntirib, yoshlarning huquqiy ongini oshirish, masalalarga mas’uliyat bilan yondashish bo‘yicha fikr va tavsiyalarini bildirishdi.
Tadbir davomida talabalarning savollariga javob berilib, zo‘ravonlikning har qanday ko‘rinishiga qat’iy “yo‘q” deyish zarurligi ta’kidlandi.
