Kuni kecha, 27-noyabr sanasida O‘zbekiston davlat xoreografiya akademiyasi Urganch filialida “Giyohvandlikka yo‘q deymiz” mavzusida davra suhbati tashkil qilindi. 
Tadbirda giyohvandlikning zararli oqibatlari, yoshlar ongida sog‘lom turmush tarzini shakllantirish hamda profilaktika ishlarining ahamiyati haqida batafsil ma’lumotlar berildi.
Suhbatni filial direktorining birinchi o‘rinbosari A.Saparbayev, dekan o‘rinbosari, yoshlar yetakchisi M.Ollaberganova hamda filial psixologi Sh.Raximova olib bordi. 
Mutaxassislar tomonidan giyohvandlikning individual va ijtimoiy zararli jihatlari, uning oldini olish choralari yuzasidan fikrlar bildirildi.Tadbir davomida talabalar o‘zlarini qiziqtirgan savollar bilan murojaat qilishdi hamda mavzu yuzasidan keng qamrovli tushunchalarga ega bo‘lishdi.
Davra suhbati yoshlarni ogohlikka, hushyorlikka va sog‘lom hayot tarziga chorlovchi mazmuni bilan ahamiyatli bo‘ldi.
