Bugun, 2-dekabr sanasida O‘zbekiston davlat xoreografiya akademiyasi Urganch filialida “Kelajak soati” doirasida navbatdagi “Ma’rifat darslari” o‘tkazildi. Ushbu ma’rifiy dars “Mening huquqlarim” mavzusiga bag‘ishlandi.
Dars davomida talabalarga inson huquqlari, ularning mazmun-mohiyati, yoshlarning huquqiy madaniyatini yuksaltirish hamda qonunchilikdagi asosiy normalar haqida batafsil ma’lumotlar berildi. Mazkur darsni filial direktorining birinchi o‘rinbosari A.Saparbayev olib bordi.
Tadbir yakunida talabalar o‘zlarini qiziqtirgan savollar bilan murojaat qilib, mavzu yuzasidan atroflicha tushunchaga ega bo‘lishdi.
