Respublika miqyosida “Oʻzbekiston – millatlararo totuvlik va diniy bagʻrikenglik yurti” mavzusida o‘tkazilayotgan madaniyat festivali doirasida O‘zbekiston davlat xoreografiya akademiyasi Urganch filiali talabalari filial direktorining birinchi o‘rinbosari A.Saparbayev boshchiligida Qozoq milliy madaniy markazi hamda Koreys milliy madaniy markazlarida bo‘lishdi.
Tashrif davomida talabalarga ushbu millatlarning urf-odatlari, tarixi, milliy san’at an’analari haqida batafsil ma’lumotlar berildi.
Uchrashuvlar yoshlarning dunyoqarashini kengaytirib, turli millat vakillari o‘rtasidagi do‘stlik va o‘zaro hurmatni mustahkamlashga xizmat qildi.
