14–17-noyabr kunlari Hindistonda bo‘lib o‘tgan “Lazgi va hind raqslari” xalqaro festivali doirasida O‘zbekiston davlat xoreografiya akademiyasi Urganch filiali professori Gavhar Matyoqubova ishtirok etdi
Mazkur nufuzli tadbirda xalqaro san’at maktablari bilan ijodiy tajriba almashish, milliy raqs san’atini targ‘ib etish hamda o‘zaro hamkorlikni mustahkamlashga alohida e’tibor qaratildi.
Shu bilan birga, festivalda faol ishtiroki hamda mahoratli ijrosi uchun professor Gavhar Matyoqubova hamda filial talabasi Bibimaryam Masharipova maxsus sertifikatlar bilan taqdirlandi.
O‘zbekiston raqs san’atining jahon sahnasida munosib namoyon bo‘lishi yo‘lida qo‘shilgan hissasi uchun ularga muvaffaqiyatlar tilaymiz!
