O‘zbekiston davlat xoreografiya akademiyasi Urganch filialida “Bag‘rikenglik” mavzusida “Kelajak soati” doirasida “Ma’rifat darslari” tashkil etildi.
Dars mashg‘ulotlari talabalarda bag‘rikenglik, insonparvarlik, millatlararo totuvlik va o‘zaro hurmat madaniyatini shakllantirish, ularni turli fikr, millat, din va madaniyatlarga nisbatan ochiq va toqatli munosabatda bo‘lishga o‘rgatishga qaratildi.
Mashg‘ulotda talabalarga bag‘rikenglikning hayotdagi o‘rni, insonlar o‘rtasidagi do‘stlik va totuvlikni mustahkamlashdagi ahamiyati haqida tushuncha berildi.
