Bugun, 8-oktabr kuni O‘zbekiston davlat xoreografiya akademiyasi Urganch filialida korrupsiyaga qarshi kurashish maqsadida davra suhbati tashkil qilindi.
Tadbirda filial professor-o‘qituvchilari va ishchi-xodimlari faol ishtirok etishdi.
Davra suhbati davomida filial direktori M. Kuchkarov hamda Korrupsiyaga qarshi kurashish “Komplaens nazorat” tizimini boshqarish bo‘limi bosh mutaxassisi M.Nurullayevlar so‘zga chiqib, korrupsiyaning jamiyat taraqqiyotiga salbiy ta’siri, unga qarshi kurashishda har bir fuqaroning mas’uliyati va halollik tamoyillarining ahamiyati haqida fikr yuritishdi. 
Uchrashuv yakunida ishtirokchilar tomonidan korrupsiyasiz, halol mehnat va adolatli jamiyat barpo etish yo‘lida barchaning hamkorligi muhimligi ta’kidlandi.
