Kun kecha, 22-sentabr kuni O‘zbekiston davlat xoreografiya akademiyasi Urganch filialiga Ixtisoslashtirilgan boshlang‘ich raqs san’ati maktab-internati o‘quvchilari tashrif buyurishdi.
Ular filial hududida joylashgan “Lazgi” muzeyi bilan tanishib, undagi bebaho eksponatlar, qadimiy an’analarga oid ma’lumotlar va milliy raqs san’atimiz tarixini aks ettiruvchi boy merosni ko‘zdan kechirishdi.Tashrif davomida bolajonlarga Lazgi raqsining jahon miqyosida e’tirof etilgani, uning o‘ziga xos uslubi va ramziy ma’nolari haqida atroflicha tushunchalar berildi.
