Bugun, 16-sentabr sanasida O‘zbekiston davlat xoreografiya akademiyasi Urganch filiali talabalari Qatag‘on qurbonlari xotirasi muzeyiga tashrif buyurishdi.
 Ushbu tashrif davomida talabalar o‘z tariximizning og‘ir va saboqli sahifalari bilan yaqindan tanishib, mustaqillik va tinchlikning qadriga yanada chuqurroq yetishdi. Muzey ekspozitsiyalarida aks etgan hujjatlar, tarixiy manbalar va eksponatlar yoshlarning milliy xotira va ma’naviy merosga bo‘lgan hurmatini oshirdi.
Tashrif jarayonida yoshlarga O‘zbekiston davlat xoreografiya akademiyasi Urganch filiali Yoshlar masalalari va ma’naviy-ma’rifiy ishlar bo‘yicha direktorning 1-o‘rinbosari Atabek Saparboyev hamda Yoshlar bilan ishlash, ma’naviyat va ma’rifat bo‘limi boshlig‘i Nodir Ummataliyev hamrohlik qildi.
Mazkur tashrif talabalarda tarixiy xotira, vatanparvarlik va ma’naviy mas’uliyat tuyg‘ularini yanada mustahkamlashga, shuningdek, mustaqil fikrlash va tarixiy manbalarni tahlil qilish ko‘nikmalarini rivojlantirishga xizmat qildi.