Kuni kecha, O‘zbekiston davlat xoreografiya akademiyasi Urganch filialining bir guruh xodimlari va talabalari Urganch tumanidagi “Muruvvat uyi”ga tashrif buyurishdi.
Filialning “Lazgi” bo‘limi boshlig‘i Zulfiya Yaqubova, Ilmiy tadqiqot ishlari muhandisi Qurbonbika O‘razmetova, “Lazgi” bo‘limi xodimlari Ulug‘bek Doulov hamda Mirzohid Solayevlar va talabalar tashrifi nafaqat saxovatli balki ruhiy jihatdan boy bo‘ldi.
Filial xodimlari va talabalari yoshi ulug‘ insonlar holidan xabar olib, ularning qalbini quvontirishga harakat qilishdi. Samimiy suhbatlar, ezgu tilaklar ayniqsa, jonli raqslar barchaga quvonch ulashdi.
