“Kelajak soati”: inson kapitali — taraqqiyotning muhim omili » O'zbekiston davlat xoreografiya akademiyasi Urganch filiali

“Kelajak soati”: inson kapitali — taraqqiyotning muhim omili

Bosh sahifa > YANGILIKLAR / TADBIRLAR

O‘zbekiston davlat xoreografiya akademiyasi Urganch filialida talaba-yoshlarning bilim va dunyoqarashini kengaytirish, ularni zamonaviy jamiyatda faol va salohiyatli shaxs sifatida shakllantirish maqsadida “Kelajak soati” mashg‘ulotlari muntazam tashkil etilmoqda.
Navbatdagi mashg‘ulot filial direktori M.Kuchkarov tomonidan 1-bosqich talabalari ishtirokida o‘tkazildi. Mashg‘ulot “Inson kapitali nima va nega u muhim?” mavzusiga bag‘ishlandi.

Mashg‘ulot davomida inson kapitalining mazmun-mohiyati, uning jamiyat va davlat taraqqiyotidagi o‘rni, yoshlarning bilim olishi, kasbiy ko‘nikmalarini rivojlantirishi hamda o‘z ustida muntazam ishlashi muhimligi haqida fikr yuritildi. Talabalarga bugungi kunda bilim, salohiyat, ijodkorlik va zamonaviy ko‘nikmalar inson kapitalining asosiy tarkibiy qismlari ekanligi tushuntirildi.

⚡️Shuningdek, mashg‘ulotda filial direktorining birinchi o‘rinbosari M.Amanbayeva hamda o‘quv ishlari bo‘yicha direktor o‘rinbosari S.Pirnazarov ishtirok etib, talabalar bilan mavzu yuzasidan suhbatlashdilar. Ochiq muloqot shaklida o‘tgan suhbat davomida talabalarning fikr va mulohazalari tinglandi, ularni qiziqtirgan savollarga javoblar berildi.

Bunday mashg‘ulotlar talaba-yoshlarning nafaqat kasbiy, balki shaxsiy rivojlanishiga, kelajakdagi maqsadlarini aniq belgilashiga va jamiyat taraqqiyotida o‘z o‘rnini topishiga xizmat qiladi.