Kuni kecha 2026-yil 10-sentabr kuni O‘zbekiston davlat xoreografiya akademiyasi Urganch filialida talaba-yoshlarning huquqiy va ijtimoiy faolligini oshirish, ularni qo‘llab-quvvatlash hamda mavjud imkoniyatlardan samarali foydalanish bo‘yicha tushuntirish ishlari olib borildi. Tadbirda filial direktori M.Kuchkarov, direktorining birinchi o‘rinbosari M.Amanbayeva ishtirok etdi.

Tadbir davomida yoshlar yetakchisi M.Ollaberganova tomonidan O‘zbekiston Yoshlar ittifoqining boshlang‘ich tashkiloti faoliyati haqida batafsil ma’lumot berildi. Xususan, Yoshlar ittifoqining asosiy vazifalari, yoshlarning tashkilot faoliyatidagi ishtiroki, ular uchun yaratilayotgan imkoniyat va imtiyozlar, turli loyihalar, tanlovlar, stipendiyalar hamda ijtimoiy tashabbuslarda faol qatnashish masalalariga alohida to‘xtalib o‘tildi.

Shuningdek, talabalar o‘zlarini qiziqtirgan savollariga javoblar olib, Yoshlar ittifoqi faoliyatida faol ishtirok etish, o‘z tashabbus va g‘oyalarini ilgari surish bo‘yicha tavsiyalarga ega bo‘ldilar.