O‘zbekiston davlat xoreografiya akademiyasi Urganch filialida 2026–2027-o‘quv yilining dastlabki mashg‘ulotlari “Yagona Vatan, yagona xalq bo‘lib, yangi hayot va kelajak yaratamiz!” shiori ostidagi “Mustaqillik dars”lari bilan boshlandi.Dastlabki mashg‘ulotni filial direktori M.B.Kuchkarov 1-bosqich talabalari bilan olib bordi. Dars davomida talaba-yoshlarga Vatanimiz mustaqilligining tarixiy ahamiyati, istiqlol yillarida mamlakatimizda amalga oshirilgan keng ko‘lamli islohotlar, O‘zbekistonning taraqqiyot bosqichlari hamda bugungi kunda erishilayotgan yutuqlar haqida atroflicha ma’lumot berildi.
Shuningdek, suhbat davomida mustaqillik yillarida yoshlar uchun yaratilayotgan imkoniyatlar, ularning zamonaviy bilim va kasbiy ko‘nikmalarni egallashi, yurtimiz taraqqiyotidagi faol ishtiroki hamda Vatanga sadoqat tuyg‘usini yanada mustahkamlash masalalariga alohida e’tibor qaratildi.
