2026-yil 30-aprel kuni O‘zbekiston davlat xoreografiya akademiyasi Urganch filialida “Payshanba yoshlar kuni” doirasida filial direktori M.Kuchkarov boshchiligida qator sport musobaqalari tashkil etildi.
Yoshlar o‘rtasida sog‘lom turmush tarzi madaniyatini shakllantirish, jismoniy faollikni oshirish hamda milliy qadriyatlarni targ‘ib etish maqsadida milliy o‘yinlar va sport bellashuvlari o‘tkazildi. 
Xususan, arqon tortish, turnikda tortilish hamda velopoyga musobaqalari yoshlar o‘rtasida katta qiziqish bilan o‘tdi.
Tadbir davomida ishtirokchilar o‘z kuch va mahoratlarini sinovdan o‘tkazib, sportga bo‘lgan qiziqishlarini yana-da mustahkamlashdi. G‘olib va faol qatnashchilar munosib rag‘batlantirildi.
