2026-yil 29-aprel kuni O‘zbekiston davlat xoreografiya akademiyasi Urganch filialida ilmiy-ijodiy uchrashuv tashkil etildi.
Mazkur uchrashuv filial direktori M.Kuchkarovning kirish so‘zi bilan ochib berildi. Tadbirda O‘zbekiston davlat xoreografiya akademiyasi dotsenti, filologiya fanlari doktori (DSc) H.Hamrayeva, shuningdek, J.Tashenev universitetidan doktor Sh.Karimova hamda Xalqaro hamkorlik va akademik mobillik markazi direktori S.Taniyev ishtirok etishdi.
Uchrashuv davomida mehmonlar filialning o‘qituvchi-xodimlari bilan o‘zlarining ilmiy va amaliy tajribalari, soha rivoji hamda adabiyot va san’at uyg‘unligi borasidagi bilimlari bilan o‘rtoqlashdilar. Qiziqarli savol-javoblar va samimiy muloqotlar tadbirga alohida ruh bag‘ishladi.
Shuningdek, uchrashuv yakunida mehmonlar tomonidan filial kutubxonasiga sohaga oid kitoblar tuhfa qilindi.
Mazkur tadbir o‘qituvchi-xodimlar uchun foydali va mazmunli o‘tdi.
