Bugun, 2026-yil 28-aprel kuni O‘zbekiston davlat xoreografiya akademiyasi Urganch filialida “Fuqaro muhofazasi oyligi” mazmun-mohiyatini xodimlar hamda talabalarga tushuntirish maqsadida yig‘ilish o‘tkazildi.
Mazkur tadbirda Urganch shahar Favqulodda vaziyatlar bo‘limi FVB FVPB katta inspektori, mayor T.Rahmonov, shuningdek FVB FVPB inspektori U.Rajabbayev, filial xodimlari va talabalari ishtirok etishdi.
Yig‘ilish davomida FVB xodimlari tomonidan gaz va elektr qurilmalaridan to‘g‘ri va xavfsiz foydalanish, favqulodda holatlar yuzaga kelganda qanday harakat qilish zarurligi yuzasidan batafsil tushuntirishlar berildi. Ishtirokchilarga amaliy tavsiyalar va muhim ko‘rsatmalar yetkazildi.
Shuningdek, tadbir doirasida FVB xodimlari filial hududidagi elektr jihozlari, yong‘in o‘chirish vositalari va burchaklari hamda boshqa xavfsizlikka oid obyektlarni ko‘zdan kechirishdi.
Ushbu yig‘ilish fuqarolar muhofazasi bo‘yicha bilim va ko‘nikmalarni oshirish, favqulodda vaziyatlarning oldini olish hamda xavfsizlik choralarini mustahkamlashda muhim ahamiyat kasb etdi.