2026-yil 23-aprel kuni O‘zbekiston davlat xoreografiya akademiyasi Urganch filialida “Rahbar va yoshlar” mavzusida uchrashuv tashkil etildi. Mazkur uchrashuvda o‘quv ishlari bo‘yicha direktor o‘rinbosari S.Pirnazarov hamda kafedra mudiri N.Abdiramanov ishtirok etib, talabalar bilan ochiq muloqot olib bordilar.
Uchrashuv davomida yoshlarning ta’lim jarayonidagi faolligini oshirish, ularning qiziqish va tashabbuslarini qo‘llab-quvvatlash, shuningdek, kelgusidagi rejalar va maqsadlar haqida fikr almashildi. Talabalar o‘zlarini qiziqtirgan savollariga batafsil javob oldilar hamda o‘z taklif va mulohazalarini bildirish imkoniga ega bo‘ldilar.
Bunday uchrashuvlar yoshlar bilan samarali muloqotni yo‘lga qo‘yish, ularning muammolarini o‘rganish va ijobiy yechimlar topishda muhim ahamiyat kasb etadi.
