2026-yil 22-aprel kuni O‘zbekiston davlat xoreografiya akademiyasi Urganch filialida “To‘maris izdoshlari” sport musobaqasining filial bosqichi g‘oliblari aniqlandi. 
Mazkur musobaqa Xotin-qizlar maslahati kengashi raisi B.Sapayeva, fakultet dekani M.Amanbayeva hamda filial yoshlar yetakchisi M.Ollaberganova tashabbusi bilan yuqori saviyada tashkil etildi.
Musobaqa davomida talaba-qizlar turli yo‘nalishlarda o‘z mahoratlarini sinovdan o‘tkazdilar. Jumladan, yugurish, estafeta, darts uloqtirish, birinchi tibbiy yordam ko‘rsatish shartlari bo‘yicha qizg‘in bellashuvlar bo‘lib o‘tdi.
Har bir ishtirokchi nafaqat jismoniy tayyorgarligini, balki tezkor fikrlash, hamjihatlik va ijodkorlik qobiliyatini ham namoyish etdi.
Ushbu musobaqa talaba-qizlar o‘rtasida sog‘lom turmush tarzini keng targ‘ib etish, jamoaviylik ruhini mustahkamlash hamda xotin-qizlarning sport va ijtimoiy faolligini oshirishda muhim ahamiyat kasb etdi.
