Bugun, 2026-yil 21-aprel kuni O‘zbekiston davlat xoreografiya akademiyasi Urganch filialida navbatdagi “Kelajak soati” mashg‘uloti tashkil etildi. Ushbu darsning mavzusi “Milliy o‘zlik” bo‘lib, unda yoshlarning milliy qadriyatlarga hurmatini oshirish, o‘zligini anglash va vatanparvarlik tuyg‘ularini mustahkamlash masalalariga alohida e’tibor qaratildi.
Mashg‘ulotni o‘quv ishlari bo‘yicha direktor o‘rinbosari S.Pirnazarov olib bordi. U o‘z nutqida milliy o‘zlikni anglash har bir insonning ma’naviy kamolotida muhim o‘rin tutishini ta’kidlab, yoshlarni milliy an’analar, urf-odatlar va madaniy merosni asrab-avaylashga chorladi.
Dars davomida talabalar bilan ochiq muloqot tashkil etilib, mavzu yuzasidan fikr almashildi. Shuningdek, milliy o‘zlikni shakllantirishda ta’lim-tarbiya, san’at va madaniyatning o‘rni haqida atroflicha tushunchalar berildi.
Mazkur “Kelajak soati” mashg‘uloti talabalarda milliy g‘urur va o‘zlikni anglash tuyg‘ularini yanada mustahkamlashga xizmat qildi.