Bugun, 2026-yil 16-aprel kuni O'zbekiston davlat xoreografiya akademiyasi Urganch filialida “Rahbar va yoshlar” mavzusida uchrashuv tashkil etildi. Mazkur tadbir payshanba — yoshlar kuni doirasida o‘tkazildi.
Uchrashuvda Ilmiy ishlar va innovatsiyalar bo‘yicha direktor o‘rinbosari, dotsent M.Masharipov hamda fakultet dekani M.Amanbayeva ishtirok etib, yoshlar bilan ochiq muloqot olib bordilar.
Suhbat davomida talabalarning ilmiy izlanishlari, innovatsion g‘oyalari, ta’lim jarayonidagi faolligini oshirish hamda ularni qo‘llab-quvvatlash masalalari muhokama qilindi.
Shuningdek, uchrashuv davomida yoshlarni qiziqtirgan savollarga batafsil javob berildi, ularning taklif va tashabbuslari tinglandi. 
Tadbir samimiy va ochiq muloqot ruhida o‘tib, yoshlarning kelajakdagi maqsad va rejalarini belgilashda muhim ahamiyat kasb etdi.
