2026-yil 13-aprel kuni Oʻzbekiston davlat xoreografiya akademiyasi Urganch filialida “Kelajak soati” doirasida “Ma’rifat darslari” tashkil etildi.
"Kitobxonlik" mavzusidagi mazkur tadbir yoshlar orasida kitobxonlik madaniyatini rivojlantirish, ularni ilm-ma’rifatga boʻlgan qiziqishini oshirish hamda ma’naviy dunyoqarashini boyitishga qaratildi.
Kitobxonlik mavzusidagi navbatdagi mashgʻulotni Oʻquv ishlari boʻyicha direktor oʻrinbosari S.Pirnazarov olib bordi. Mashgʻulot davomida talabalarga kitob mutolaasining inson hayotidagi oʻrni, uning tafakkur va dunyoqarashni kengaytirishdagi ahamiyati haqida atroflicha tushuntirishlar berildi.
Shuningdek, yoshlar oʻrtasida kitob oʻqishga boʻlgan qiziqishni oshirish yoʻllari, samarali mutolaa qilish usullari haqida ham fikr almashildi.
Tadbir davomida talabalar oʻzlari mutolaa qilgan asarlar haqida fikr bildirdilar, sevimli kitoblari bilan oʻrtoqlashdilar hamda qiziqarli savol-javoblarda faol ishtirok etdilar.
Mazkur “Ma’rifat darslari” yoshlarni kitobga mehr qoʻyish, ularni intellektual va ma’naviy jihatdan yetuk shaxs etib tarbiyalashda muhim oʻrin tutadi.