Mazkur haftalik doirasida O‘zbekiston davlat xoreografiya akademiyasi Urganch filialida festivalning ochilish marosimi yuqori saviyada o‘tkazilib, unda professor-o‘qituvchilar, talaba-yoshlar va filial jamoasi faol ishtirok etdi.
Filial direktori M.B.Kuchkarov tomonidan ochib berilgan tadbirda haftalikning mazmun-mohiyati, yoshlar hayotidagi o‘rni va ahamiyati alohida ta’kidlandi.
Haftalik davomida talabalar uchun turli sport musobaqalari, jumladan futbol, voleybol, stol tennisi, shaxmat-shashka bellashuvlari, shuningdek “Street workout” yo‘nalishlari tashkil etildi. 
Shu bilan birga, “Zakovat” intellektual o‘yini, mushoira kechasi, milliy liboslar ko‘rgazmasi kabi ma’naviy-ma’rifiy va ijodiy tadbirlar ham o‘tkazildi.
Bundan tashqari, “Start-up” mavzusida ilmiy-amaliy seminar tashkil etilib, talabalarning ilmiy izlanishlarga bo‘lgan qiziqishi yanada oshirildi.
“Yashil makon” umummilliy loyihasi doirasida esa faol ishtirokchilar tomonidan ko‘chatlar ekilib, atrof-muhitni asrashga hissa qo‘shildi.
Haftalik yakunida faol qatnashgan talabalar filial rahbariyati tomonidan diplom va esdalik sovg‘alari bilan taqdirlandi. 
Bu kabi e’tiroflar yoshlarning ijodiy faolligini oshirish, ularni yangi yutuqlarga ruhlantirish va kelajakda yanada katta marralarni zabt etishga undaydi. Faol va iqtidorli yoshlar esa yurtimiz kelajagining mustahkam poydevoridir.
