2026-yil 2-aprel kuni Oʻzbekiston davlat xoreografiya akademiyasi Urganch filialida, payshanba – Yoshlar kuni doirasida “Rahbar va yoshlar uchrashuvi” tashkil etildi.
Mazkur uchrashuvda filial direktori M.B.Kuchkarov sirtqi ta’lim yoʻnalishida tahsil olayotgan talabalar bilan bevosita uchrashib, ular bilan ochiq muloqot olib bordi.
Uchrashuv davomida talabalar tomonidan turli masalalar koʻtarildi. Xususan, dars jadvali, amaliyot jarayonlari, kredit-modul tizimi hamda ta’lim jarayonida duch kelinayotgan muammolar yuzasidan fikr-mulohazalar bildirildi.
Talabalar oʻz takliflarini erkin bayon qilib, mavjud kamchiliklarni bartaraf etish boʻyicha oʻz qarashlarini taqdim etdilar.
Filial direktori M.B.Kuchkarov talabalarning murojaatlarini diqqat bilan tinglab, bildirilgan taklif va muammolardan kelib chiqib, Oʻquv ishlari boʻyicha direktor oʻrinbosari, Xoreografiya fakulteti dekani, Registrator ofis hamda kafedra mudiriga   aniq topshiriq va koʻrsatmalar berdi.
Mazkur uchrashuv ochiq va samimiy muloqot tarzida oʻtib, talabalar bilan rahbariyat oʻrtasida oʻzaro fikr almashish, muammolarni joyida hal etish hamda ta’lim sifatini yanada oshirishga xizmat qiluvchi muhim platforma boʻldi.