⚡️2026-yil 1-aprel kuni O‘zbekiston davlat xoreografiya akademiyasi Urganch filialida navbatdagi ma’rifat darslari tashkil etildi. “Kelajak soati” loyihasi doirasida o‘tkazilgan ushbu mashg‘ulotning galdagi mavzusi “O‘zbek madaniyati”ga bag‘ishlandi.
Mashg‘ulot davomida milliy qadriyatlarimiz, boy madaniy merosimiz hamda ularning bugungi kundagi ahamiyati haqida atroflicha fikr yuritildi.
Talabalar o‘zbek xalqining urf-odatlari, san’ati va an’analari borasida qiziqarli ma’lumotlarga ega bo‘ldilar.
Darsni filial direktori M.Kuchkarov hamda O‘zbekiston xalq artisti, professor G.Matyoqubova olib bordilar. Ular tomonidan mavzu yuzasidan berilgan chuqur va mazmunli tushuntirishlar yoshlarning milliy madaniyatimizga bo‘lgan qiziqishini yanada oshirdi.
Shuningdek, “Lazgini quyosh raqsi deb bilamiz” mavzusida G.Matyoqubova bilan bevosita suhbat tashkil etildi. Suhbat davomida Lazgi raqsining tarixi, mazmun-mohiyati va uning o‘zbek milliy san’atidagi o‘rni haqida qimmatli fikrlar bildirildi.
Mazkur ma’rifiy mashg‘ulot talabalarning ma’naviy dunyoqarashini boyitishda muhim ahamiyat kasb etdi.