O‘zbekiston davlat xoreografiya akademiyasi Urganch filialida “Birga hayotni saqlaymiz” mavzusida donorlikning ahamiyatiga bag‘ishlangan targ‘ibot tadbiri tashkil etildi.
Tadbir doirasida filial Xotin-qizlar maslahati kengashi raisi B.Sapayeva hamda Yoshlar yetakchisi M.Ollaberganova boshchiligida talabalar Viloyat qon quyish markaziga tashrif buyurishdi.
Tashrif davomida markaz bosh hamshirasi I.Durdiyeva talabalarga donorlikning inson hayotini saqlab qolishdagi muhim o‘rni haqida batafsil ma’lumotlar berildi.
Shuningdek, qon topshirish jarayoni, uning maxsus tartiblari hamda donorlik qoni qanday qilib bemorlarga yetkazilishi haqida tushunchalar berildi.
Mazkur tadbir yoshlar o‘rtasida ijtimoiy mas’uliyatni oshirish, insonparvarlik g‘oyalarini targ‘ib qilish va donorlik madaniyatini shakllantirishga xizmat qildi.
