Uchrashuvni filial direktori M.B.Kuchkarov ochib berdi va filial bitiruvchi talabalari uchun davlatimiz tomonidan yaratilayotgan keng imkoniyatlar haqida batafsil ma’lumot berdi.
Xususan,PQ-61-sonli qaror – O‘zbekiston Respublikasi Prezidentining “Oliy ta’lim tashkilotlari bitiruvchilarining ishga joylashishiga ko‘maklashish bo‘yicha qo‘shimcha chora-tadbirlar to‘g‘risida”gi qarorining mazmun-mohiyati atroflicha tushuntirildi.
Shuningdek, O‘zbekiston Respublikasi Oliy ta’lim, fan va innovatsiyalar vazirligining 2026-yil13-fevraldagi 7-q/q-sonli qarori hamda O‘zmilliybank AJning 2026-yil 13-fevraldagi2-sonli qo‘shma qarori mazmuni yuzasidan ham batafsil izohlar berildi.
Uchrashuvda OʻzMilliybank AJ Xorazm viloyati bosh boshqarmasi (Milliybank)ning Biznes mijozlarini kreditlash boʻlimi boshligʻi T.Qo‘chqorov ham ishtirok etib, “Kelajakka qadam” dasturi doirasida O‘zmilliybank AJ va ta’lim muassasalari o‘rtasida yo‘lga qo‘yilgan samarali hamkorlik ishlarini alohida ta’kidlab o‘tdi.
Tadbir davomida yoshlar bilan ochiq muloqot tashkil etilib, ularni qiziqtirgan savollarga mutaxassislar tomonidan batafsil va asosli javoblar berildi.
 Mazkur uchrashuv yoshlarning bandligini ta’minlash, ularni tadbirkorlikka jalb etish hamda kelajak rejalari uchun muhim ahamiyat kasb etdi.