Oliy ta'lim, fan va innovatsiyalar vazirligining 51-sonli qarorining ijrosini ta'minlash yuzasidan O‘zbekiston davlat xoreografiya akademiyasi Urganch filiali talabalari orasida "Eng yaxshi kreativ g‘oya" tanlovining filial bosqichiga qabul boshlanganligini e'lon qilamiz. 

Ushbu tanlov ikki bosqichda o‘tkaziladi.
1-bosqich - Ichki tanlov (filial bosqichi);
2-bosqich - Respublika bosqichi.

Tanlovning filial bosqichi uchun g‘oyalar qabulining oxirgi muddati: 31-mart.
G‘oyalarni ko‘rib chiqish 1-10-aprel kunlari oralig‘ida o‘tkaziladi.

Taqdim qilingan g‘oyalar quyidagi mezonlar asosida baholanadi:
- G‘oyaning ilmiy va innovatsion yangiligi (1 balldan 20 ballgacha) – loyiha qanchalik yangi, ilmiy asoslangan va innovatsion yondashuvlarga ega ekanligi baholanadi.
- G‘oyaning dolzarbligi (1 balldan 20 ballgacha) – loyiha bugungi kundagi muammo va ehtiyojlarga qanchalik mos va ahamiyatli ekanligi inobatga olinadi.
- Mavjud analoglaridan afzalligi (1 balldan 20 ballgacha) – taklif etilayotgan yechimning mavjud ishlanmalarga nisbatan ustun jihatlari va samaradorligi baholanadi.
- Xarajatlar smetasining asoslanganligi (1 balldan 20 ballgacha) – loyiha uchun rejalashtirilgan xarajatlarning aniqligi, asoslanganligi va maqsadga muvofiqligi ko‘rib chiqiladi.
- G‘oyani amalga oshirishdan kutilayotgan natijalar (1 balldan 20 ballgacha) – loyiha natijasida olinadigan aniq va amaliy samaralar darajasi baholanadi.

G‘oya va loyihalaringizni quyidagi telegram manziliga yuborishingiz mumkin: @Iqtidorli_talabalar_muhandisi