Uch avlod uchrashuvlari-yoshlar uchun katta tajriba va hayot maktabi bo‘lib xizmat qiladi. Tarix, bugun va kelajakni birlashtira olgan uchrashuvlar keksayu yoshning xotira zarvaraqlarida unitilmas kun bo‘lishi shubhasiz. Sababi, jonli tarix bilan so‘zlashish, ularni yaqindan tanish birgalikda hamfikr bo‘lish yoshlar uchun katta tajriba va hayot maktabi bo‘lib xizmat qiladi.
Darhaqiqat, mamlakatimizda barcha sohalarda islohotlar jadal suratlarda davom etyapti. Bu yangilanish va o‘zgarishlar avvalo fuqarolarning manfaatlari, ularning hayotdan rozi bo‘lib yashashlari uchun xizmat qilyapti. Bunday o‘zgarishlarga shukrona keltirib yashash, imkoniyatlardan oqilona foydalanishda esa “Uch avlod uchrashuv”lari katta rol o‘ynamoqda. Shu kabi tadbirlarning navbatdagisi Oʻzbekiston davlat xoreografiya akademiyasi Urganch filialida boʻlib oʻtdi.
Koʻp yillik tajribaga ega insonlar tomonidan qilingan maʼruzalar davomida talabalarga tavsiyalar, oʻziga xos pand-nasihatlar berildi. Iqtidorli talabalar tomonidan tayyorlangan sahna koʻrinishlari uchrashuvga yanada xush kayfiyat ulashdi.