Kuni kecha, 6-may sanasida Oʻzbekiston Respublikasi Prezidentining 2024-yil 1-apreldagi “Ijod maktablari faoliyatini yanada takomillashtirish chora-tadbirlari toʻgʻrisida” PQ–147-son qarorida belgilangan vazifalar ijrosini taminlash maqsadida O’zbekiston davlat xoreografiya akademiyasi Urganch filiali “Lazgi” bo’limi boshlig’i B.Ch.Shahanov, Xalqaro aloqalar bo‘limi boshlig’i N.D.Ummataliyev va “Xoreografiya” kafesrasi o’qituvchilari Z.Pirlepesova, D. Ibragimova hamda bir guruh talaba-yoshlar Qoraqalpog‘iston Respublikasi Nukus shahrida joylashgan Ibroyim Yusupov nomidagi ixtisoslashtirilgan ijod maktabga tashrif buyurdi.
Tashrif doirasida O‘zbekiston Qahramoni, O‘zbekiston va Qoraqalpog‘iston xalq shoiri Ibroyim Yusupov tavalludining 95 yilligi munosabati bilan Jamoat ishlarida faolligi, namunali xulqi va barcha fanlardan a’lo baholarga o‘zlashtirayotgan o‘quvchi yoshlarga hamda  yosh avlodni vatanga sadoqat ruhida tarbiyalashda fidokorona mehnat qilib kelayotgan maktab-internati o‘qituvchilariga O‘zbekiston davlat xoreografiya akademiyasi rektorining Tashakkurnoma va sovg‘alari topshirildi. Shundan so‘ng “Xoreografiya” kafesrasi o‘qituvchilari Z.Pirlepesova, D. Ibragimovalar tomonidan o'zbek va qoraqalpoq raqs san'ati ijro uslubi mavzusida Mahorat darslari tashkil etildi.