Mamlakatimizning boy raqs san’ati tarixida alohida o‘rin egallagan Xorazmning “lazgi” raqsi o‘ziga xos ijro uslubi va jozibasi bilan nafaqat O‘zbekistonda, balki chet davlatlarda ham ma’lum va mashhurdir. 
🌐 YUNESKO tomonidan O‘zbekiston madaniy merosining elementi sifatida Xorazmning «Lazgi» raqsini Insoniyatning nomoddiy madaniy merosi reprezentativ ro‘yxatiga kiritilganligi ham uning betakror san’at ekanligidan dalolat beradi.
O‘zbekiston Milliy teleradiokompaniyasi "O‘zbekiston tarixi"  telekanali "Etno"  ko‘rsatuvining navbatdagi sonida "Xorazm Lazgi raqsi-madaniy diplomatiya vositasi" mavzusida muloqoti efirga uzatiladi. 

📺 Ko’rsatuvda O’zbekiston davlat xoreografiya akademiyasi rektori, professor Sh.Toxtasimov, O‘zDXA "San’at nazariyasi va tarixi kafedrasi dotsenti v.b. filologiya fanlari doktori (DSc) H.Hamroyeva, “Xoreografiya jamoalari rahbari” kafedrasi mudiri San'atshunoslik fanlari bo'yicha falsafa doktori (PhD) G.Usmanova, “San’at nazariyasi va tarixi» kafedrasi o’qituvchisi D.Dosjanova hamda “San’atshunoslik” yo‘nalishi talabalari ishtirok etdi.