Sohaga oid atamalarning izohli lug‘atini tayyorlash masalasi muhokama qilindi
O‘zbekiston Respublikasi madaniyat vazirining tegishli buyrug‘i bilan vazirlik huzurida Sohaga oid lug‘atlar tayyorlash bo‘yicha takliflar ishlab chiquvchi ishchi guruh tuzilgan.Madaniyat vazirligining 2024-yil
I yarim yilligi uchun mo‘ljallangan ish rejasiga muvofiq, bugun mazkur ishchi guruhning videokonferensaloqa shaklida yig‘ilishi bo‘lib o‘tdi. 
O‘zbekiston Respublikasi Prezidenti huzuridagi Davlat boshqaruvi akademiyasi, Madaniyat vazirligi markaziy apparati, vazirlik huzuridagi Madaniyatshunoslik va nomoddiy madaniy meros ilmiy-tadqiqot instituti, O‘zbekiston davlat xoreografiya akademiyasi, O‘zbekiston davlat san’at va madaniyat instituti hamda O‘zbek tilini rivojlantirish jamg‘armasi vakillari ishtirok etgan yig‘ilishda sohaga oid atamalarning izohli lug‘atini lotin yozuviga asoslangan o‘zbek alifbosida tayyorlash masalasi muhokama etildi. 
Bildirilgan taklif va mulohazalar asosida tegishli xulosalar qilinib, kelgusi rejalar belgilab olindi.