Mahmud Zamaxshariy nomidagi viloyat axborot-kutubxona markazi, 7260-Xarbiy qism, O‘zbekiston Respublikasi IIB huzuridagi jazoni ijro etish departamenti, Oltinchi mintaqaviy xudud,  11 - son tergov hibsxonasi, Oʻzbekiston davlat xoreografiya akademiyasi Urganch filiali hamkorligida O‘zbek mumtoz adabiyotining yirik vakili, shoir, tarixchi, davlat arbobi Alisher Navoiy tavalludining 583 yilligiga bagʻishlab "Navoiy qalblarda mangu barhayot"  va Zahriddin Muhammad Bobur tavalludining 541 yilligiga bag‘ishlab “Davlat arbobi va mohir sarkarda” mavzusida adabiy-badiiy kecha o‘tkazildi. 

Viloyat AKM direktori o‘rinbosari M.Qurbonboyeva ochib bergan kechada markaz yetakchi mutaxassisi, O‘zbekiston Yozuvchilar uyushmasi a’zosi, taniqli adib Sh.Matkarimov allomalarning hayoti va ijodi haqida so‘zladi. Urganch harbiy prokuraturasi katta tergovchisi Azizbek Alimqulov Boburning harbiy yurishlari to‘g‘risida gapirib berdi. U ta'kidladiki, buyuk ajdodimizning sarkardalik mahorati, mardligi va jasoratidan harbiy xizmatchilarimiz har doim o‘rnak olib kelishgan.  

Shundan so‘ng Toshkent tibbiyot akademiyasi Urganch filialida tahsil olayotgan xorijlik talabalar shoir ruboiylarini o‘zbek va ingliz tilida ifodali o‘qidilar. Urganch davlat pedagogika instituti talabalari, Urganch davlat universiteti akademik litseyi o‘quvchilari Boburning g‘azallaridan namunalar o‘qidilar. Litsey o‘quvchilari Bobur timsolini sahnada gavdalantirdilar. Oʻzbekiston davlat xoreografiya akademiyasi Urganch filiali talabalari oʻzlarining chiqishlari bilan badiiy kechaga yanada fayz baxsh etdilar.

Yakunda tadbirni yuqori saviyada o‘tkazishga munosib hissa qo‘shganlar “Tashakkurnoma” bilan taqdirlandilar.