O‘zbekiston Milliy bank AJ Xorazm viloyati boshqarmasi, bo‘lim boshlig‘i B.Masharipov so‘zga chiqib O‘zbekiston Respublikasi Prezidentining “Oliy ta’lim tashkilotlari bitiruvchilarining ishga joylashishiga ko‘maklashish bo‘yicha qo‘shimcha chora-tadbirlar to‘g‘risida” 2025-yil 14-fevraldagi PQ–61-son qarori ijrosi yuzasidan Respublikamizda faoliyat ko‘rsatayotgan Oliy ta’lim tashkilotlari bitiruvchilarini bandligini ta’minlash, o‘z biznes g‘oyalarini amalga oshirish istagi bo‘lgan talabalarni aniqlash va ularni tadbirkorlik faoliyatiga jalb qilish bo‘yicha:

 “Kelajakka birinchi qadam” –ya’ni,  tadbirkorlik qilish istagidagi talabalarga ijtimoiy soliq to‘lab, o‘zini-o‘zi band qilgan bitiruvchilar uchun; 

“Yorqin kelajak sari”- ya’ni, yakka tartibdagi tadbirkorlar yoki yuridik shaxs tashkil etgan bitiruvchila uchun;

“Kelajak uchun start”-ya’ni yakka tartibdagi tadbirkorlar yoki yuridik shaxs tashkil etgan bitiruvchila uchun ajratiladigan kredit summalari, foiz stavkalari, kredit muddati va imtiyozli davrlar, kredit oluvchilar uchun qo‘yiladigan talablar  haqida to‘liq tushuntirishlar berdi.

Shuningdek tadbirkorlik faoliyatini yo‘lga qo‘yish borasidagi xujjatlarni rasmiylashtirish yuzasidan “Biznes g‘oyadan tayyor loyihagacha” yo‘nalishi bo‘yicha amalga oiriladigan ishlar, dastur doirasida “Oʻzmilliybank” AJ tomonidan ishlab chiqilgan moliyaviy xizmatlar paketlari “O‘zmilliybank” AJning “Kelajakka qadam” markazi bilan kelishilgan holda “O‘zmilliybank” AJning “Kelajakka qadam” markazi hamda O‘zbekiston davlat xoreografiya akademiyasi Urganch filiali o‘rtasida hamkorlik kelishuvi 2025-yil 20-mart sanasida imzolanganligi to‘g‘risidagi   ma’lumotlarni berdi.

Suhbat  davomida bitiruvchi bosqich talabalari tadbirkorlik faoliyatini yo‘lga qo‘yish borasida o‘zlarini qiziqtirgan  savollariga mutaxassislardan to‘liq javoblar oldilar va  ularga  mavzuga oid mavuga oid bukletlar tarqatildi.