O‘zbekiston davlat xoreografiya akademiyasi Urganch filiali O‘quv ishlari bo‘yicha direktor o‘rinbosari, pedagog Saubet Pirnazarovning “Xoreografiya san’atida aktyorlik mahorati va rejissura asoslari” nomli o‘quv qo‘llanmasi nashrdan chiqdi.Mazkur qo‘llanma “Xoreografiya (Xoreografiya jamoalari rahbari)” ta’lim yo‘nalishi talabalari uchun mo‘ljallangan bo‘lib, unda xoreografiya san’atida aktyorlik mahorati, sahna madaniyati, obraz yaratish hamda rejissura asoslariga oid nazariy va amaliy tavsiyalar yoritilgan.
Bugun filial professor-o‘qituvchilari va xodimlari yangi nashr bilan yaqindan tanishdilar. Taqdimot davomida qo‘llanmaning mazmun-mohiyati, ta’lim jarayonidagi ahamiyati hamda bo‘lajak mutaxassislarni tayyorlashdagi o‘rni haqida fikr almashildi.
